Пойтахтимизнинг муҳташам “Мовий гумбазлар” сайлгоҳида юртимиз аҳоли-ёшлари учун Ўзбекистон Республикаси Миллий гвардияси Жамоат хавфсизлиги университетининг ҳарбий оркестри, ансамбли, қурол билан кўргазмали саф ҳамда қўл жангги гуруҳлари иштирокида Мустақиллигимизнинг 34 йиллигига бағишланган “Ватан учун, миллат учун халқ учун” шиори мужассамлигида “Мустақиллигимиз абадий бўлсин” номли концерт дастури ташкил этилди.

Унда пойтахтимиздан 300 дан ортиқ аҳоли ва ёшлар ушбу концерт дастуридан баҳраманд бўлдилар. Ушбу концертда ҳарбий оркестр жамоаси ҳарбий ватанпарварлик мусиқалари, ансамбль жамоасининг халқчил қўшиқлари, қурол билан саф ҳамда қўл жангги жамоаларининг жанговар чиқишлари ҳар бир ёш учун ҳақиқий ватанпарварлик тимсоли бўлди.

Мустақиллигимизнинг 34 йиллигига бағишланган “Ватан учун, миллат учун халқ учун” шиори остида ташкил этилаётган маданий концерт дастурлари мана шундай юқори шукуҳда давом этмоқда.